Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ferte, uiri; uel, si cunctos metus acer in urbem
  2. (heu deforme!) rapit, soli mihi claudite portas.’
  3. At Poenus rapido praeceps ad moenia cursu,
  4. dum pauitant trepidi rerum fessique salutis,
  5. tendebat. stat primam urbem murosque patentis
  6. postposita caede et dilata inuadere pugna.
  7. id postquam Herculeae custos uidet impiger arae,
  8. emicat et uelox formidine praeuenit hostem.
  9. gliscit Elissaeo uiolentior ira tyranno:
  10. ‘Tu solue interea nobis, bone ianitor urbis,
  11. supplicium, ut pandas’ inquit tua moenia leto.
  12. nec plura effari sinit ira, rotatque coruscum
  13. mucronem; sed contortum prior impete uasto
  14. Daunius huic robur iuuenis iacit. arma fragore