Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aut, ubi Cecropius formidine nubis aquosae
  2. sparsa super flores examina tollit Hymettos,
  3. ad dulcis ceras et odori corticis antra
  4. mellis apes grauidae properant densoque uolatu
  5. raucum conexae glomerant ad limina murmur.
  6. praecipitat metus attonitos, caecique feruntur.
  7. heu blandum caeli lumen! tantone cauetur
  8. mors reditura metu nascentique addita fata?
  9. consilium damnant portisque atque aggere tuto
  10. erupisse gemunt: retinet uix agmina Theron
  11. interdumque manu, interdum clamore minisque:
  12. ‘State, uiri; meus ille hostis; mihi gloria magnae,
  13. state, uenit pugnae. muro tectisque Sagunti
  14. hac abigam Poenos dextra; spectacula tantum