Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Par contra pelago miseris fortuna carinis.
  2. namque ubi se propius tectis urbique tulere,
  3. qua portus muris pacatas adplicat undas,
  4. improuisa nouo pestis conterruit astu.
  5. trabs fabre teres atque erasis undique nodis
  6. nauali similis malo praefixa gerebat
  7. uncae tela manus: ea celso ex aggere muri
  8. bellantis curui rapiebat in aera ferri
  9. unguibus et mediam reuocata ferebat in urbem.
  10. nec solos uis illa uiros, quin saepe triremem
  11. belligerae rapuere trabes, cum desuper actum
  12. incuterent puppi chalybem morsusque tenacis.
  13. qui, simul adfixo uicina in robora ferro
  14. sustulerant sublime ratem, miserabile uisu,
  15. per subitum rursus laxatis arte catenis