Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Interea, dum incerta labat sententia clausis,
  2. exciti populi atque urbes socia arma ferebant:
  3. incumbens Messena freto minimumque reuulsa
  4. discreta Italia atque Osco memorabilis ortu:
  5. tum Catane, nimium ardenti uicina Typhoeo
  6. et generasse pios quondam celeberrima fratres,
  7. et cui non licitum fatis, Camarina, moueri:
  8. tum, quae nectareis uocat ad certamen Hymetton,
  9. audax Hybla, fauis, palmaque arbusta Selinus
  10. et, iusti quondam portus, nunc litore solo
  11. subsidium infidum fugientibus aequora, Mylae:
  12. necnon altus Eryx, necnon e uertice celso
  13. Centuripae largoque uirens Entella Lyaeo,
  14. Entella, Hectoreo dilectum nomen Acestae.
  15. non Thapsos, non e tumulis glacialibus Acrae
  16. defuerunt. Agyrina manus geminoque Lacone
  17. Tyndaris attollens sese adfluit. altus equorum
  18. mille rapit turmam atque hinnitibus aera flammat
  19. pulueream uoluens Acragas ad inania nubem.
  20. ductor Grosphus erat, cuius caelata gerebat