Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. numen erat iam cerua loci, famulamque Dianae
  2. credebant, ac tura deum de more dabantur.
  3. haec aeui uitaeque tenax felixque senectam
  4. mille indefessos uiridem duxisse per annos
  5. saeclorum numero Troianis condita tecta
  6. aequabat. sed iam longo nox uenerat aeuo.
  7. nam, subito incursu saeuorum agitata luporum
  8. qui noctis tenebris urbem (miserabile bello
  9. prodigium) intrarant, primos ad luminis ortus
  10. extulerat sese portis pauidaque petebat
  11. consternata fuga positos ad moenia campos.
  12. exceptam laeto iuuenum certamine ductor