Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ales fulua Iouis, tacito si ad culmina nisu
  2. euasit serpens terretque propincus hiatu,
  3. illa hostem rostro atque adsuetis fulmina ferre
  4. unguibus incessens nidi circumuolat orbem.
  5. Tandem ad uicinos Cumarum uertere portus
  6. defessus subiit uarioque lacessere motu
  7. fortunam et famae turbando obstare sinistrae.
  8. sed custos urbi Gracchus tutela uel ipsis
  9. certior arcebat muris iterumque sedere
  10. portis atque aditus iterum sperare uetabat.
  11. lustrat inops animi rimaturque omnia circum
  12. alite uectus equo rursusque hortatibus infit
  13. laudum agitare suos: Pro di, quis terminus inquit
  14. ‘ante urbes standi Graias, oblite tuorum
  15. factorum miles? quis erit modus? Alpibus astat
  16. nimirum maior moles, et scandere caelum
  17. pulsantis iubeo scopulos. quamquam altera detur