Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. lubrica roboreis aderant substramina plaustris,
  2. atque recens caesi tergo prolapsa iuuenci
  3. aequoream rota ducebat per gramina puppim.
  4. et iam per collis dumosque ad litus adacta
  5. innabat pelago ueniens sine remige classis.
  6. Nuntius interea uectis non more carinis
  7. terrentem freta curarum feruoribus implet,
  8. dum procul Oebalios amet expugnare nepotes
  9. et primus rostris sulcet naualibus arua,
  10. adsessos Capuae muros: claustra ipsa reuelli
  11. portarum, ac totum miseris incurrere bellum.
  12. linquit coepta ferox, pennasque addente pudore