Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nos contra (nam germanum furor acer agebat
  2. optatae pugnae) castris cita signa mouemus.
  3. intremit et tellus et pulsus mugit Olympus.
  4. hic fluuium et campos abscondit caede uirorum
  5. ductor, quo numquam maiorem ad bella tulerunt
  6. rectorem terrae. uidi cum turbine saeuo
  7. Ausonia et sonitu bellantis fusa per agros
  8. uni terga daret. uidi cum Varro citato
  9. auferretur equo, proiectis degener armis.
  10. quin et magnanimum perfosso corpore telis
  11. strage super socium uidi te, Paule, cadentem.
  12. Aegatis ille et seruilia foedera larga