Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. tum laceri fasces, captaeque in Marte secures.
  2. non coniunx natiue aderant, non iuncta propinquo
  3. sanguine turba uirum, aut celsis de more feretris
  4. praecedens prisca exequias decorabat imago
  5. omnibus exuuiis nudo, iamque Hannibal unus
  6. sat decoris laudator erat: fulgentia pingui
  7. murice suspirans inicit uelamina et auro
  8. intextam chlamydem ac supremo adfatur honore:
  9. ‘I, decus Ausoniae, quo fas est ire superbas
  10. uirtute et factis animas. tibi gloria leto
  11. iam parta insigni. nostros Fortuna labores
  12. uersat adhuc casusque iubet nescire futuros.’
  13. haec Libys, atque repens crepitantibus undique flammis
  14. aetherias anima exultans euasit in auras.
  15. Fama dehinc gliscente sono iam sidera adibat,
  16. iam maria ac terras, primamque intrauerat urbem.
  17. diffidunt muris: solam pauitantibus arcem
  18. sperauisse sat est. nec enim superesse iuuentam,
  19. ac stare Ausoniae uacuum sine corpore nomen,