Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. heu quis erat! quam non similis modo Punica telis
  2. agmina turbanti, uel cum Taulantia regna
  3. uertit, et Illyrico sunt addita uincla tyranno!
  4. puluere canities atro arentique cruore
  5. squalebat barba, et perfracti turbine dentes
  6. muralis saxi, tum toto corpore uulnus.
  7. Quae postquam aspexit, geminatus gaudia ductor
  8. Sidonius Fuge, Varro, inquit ‘fuge, Varro, superstes,
  9. dum iaceat Paulus. patribus Fabioque sedenti
  10. et populo consul totas edissere Cannas.
  11. concedam hanc iterum, si lucis tanta cupido est,
  12. concedam tibi, Varro, fugam. at, cui fortia et hoste
  13. me digna haud paruo caluerunt corda uigore,
  14. funere supremo et tumuli decoretur honore.
  15. quantus, Paule, iaces! qui tot mihi milibus unus
  16. maior laetitiae causa es. cum fata uocabunt,
  17. tale precor nobis salua Carthagine letum.’
  18. Haec ait et socium mandari corpora terrae,
  19. postera cum thalamis Aurora rubebit apertis,