Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. is fuit, exuperans astu, sed deuius aequi.
  2. armato nullus diuum pudor: improba uirtus
  3. et pacis despectus honos, penitusque medullis
  4. sanguinis humani flagrat sitis. his super, aeui
  5. flore uirens hauet Aegatis abolere, parentum
  6. dedecus, ac Siculo demergere foedera ponto.
  7. dat mentem Iuno ac laudum spe corda fatigat.
  8. iamque aut nocturno penetrat Capitolia uisu
  9. aut rapidis fertur per summas passibus Alpis.
  10. saepe etiam famuli turbato ad limina somno
  11. expauere trucem per uasta silentia uocem
  12. ac largo sudore uirum inuenere futuras
  13. miscentem pugnas et inania bella gerentem.
  14. Hanc rabiem in finis Italum Saturniaque arua