Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. fax caelo radios, ac saeua luce coruscum
  2. scintillat sidus terrisque extrema minatur.
  3. praecipiti dant tela uiam, dant signa uirique,
  4. atque ambae trepidant acies. iacit igneus hastae
  5. dirum lumen apex, ac late fulgurat umbo.
  6. talis ubi Aegaeo surgente ad sidera ponto
  7. per longum uasto Cori cum murmure fluctus
  8. suspensum in terras portat mare, frigida nautis
  9. corda tremunt: sonat ille procul flatuque tumescens
  10. curuatis pauidas tramittit Cycladas undis.
  11. non cuncta e muris unum incessentia tela
  12. fumantesque ante ora faces, non saxa per artem
  13. tormentis excussa tenent. ut tegmina primum
  14. fulgentis galeae conspexit et arma cruento