Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ingenti raptum nisu medioque uirorum
  2. auulsum inter tela globo et post terga reuinctum
  3. Hannibal ad poenam lentae mandauerat irae,
  4. increpitansque suos inferri signa iubebat,
  5. perque ipsos caedis cumulos stragemque iacentum
  6. monstrabat furibundus iter cunctosque ciebat
  7. nomine et in praedas stantem dabat improbus urbem.
  8. Sed postquam a trepidis allatum feruere partem
  9. diuersam Marte infausto, Murroque secundos
  10. hunc superos tribuisse diem, ruit ocius amens
  11. lymphato cursu atque ingentis deserit actus.
  12. letiferum nutant fulgentes uertice cristae,
  13. crine ut flammifero terret fera regna cometes
  14. sanguineum spargens ignem: uomit atra rubentis