Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Si comes ista tibi fuerit membrana, putato
  2. Carpere te longas cum Cicerone vias.
  1. Cynthia—facundi carmen iuvenale Properti—
  2. Accepit famam, non minus ipsa dedit.
  1. Pellibus exiguis artatur Livius ingens,
  2. Quem mea non totum bibliotheca capit.
  1. Hic erit, ut perhibent doctorum corda virorum,
  2. Primus Romana Crispus in historia.
  1. Haec tibi, multiplici quae structa est massa tabella,
  2. Carmina Nasonis quinque decemque gerit.
  1. Ussit amatorem Nemesis lasciva Tibullum,
  2. In tota iuvit quem nihil esse domo.