Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. notior Aufidio moechus celebrare[*](scelerare P Büch.: celebrare Ψ (fortasse melius Housman).) solebas,
  2. quodque taces, ipsos etiam inclinare maritos.
  3. ‘Utile et hoc multis vitae genus, at mihi nullum
  4. inde operae pretium, pingues aliquando lacernas,
  5. munimenta togae, duri crassique coloris
  6. et male percussas textoris pectine Galli
  7. accipimus, tenue argentum venaeque secundae,
  8. fata regunt homines, fatum est et partibus illis
  9. quas sinus abscondit, nam si tibi sidera cessant,
  10. nil faciet longi mensura incognita nervi,
  11. quamvis te nudum spumanti Virro labello
  12. viderit et blandae adsidue densaeque tabellae
  13. sollicitent, αὐτὸς γὰρ ἐφέλκεται ἄνδρα κίναιδος.
  14. quod tamen ulterius monstrum quam mollis avarus?
  15. haec tribui, deinde illa dedi, mox plura tulisti
    ;
  16. computat, et cevet. ponatur ealculus, adsint
  17. cum tabula pueri; numera[*](numeraΨ: numeras P.) sestertia quinque
  18. omnibus in rebus: numerentur deinde labores,
  19. an facile et pronum est agere intra viscera penem
  20. legitimum atque illic hesternae occurrere cenae?