Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. si coram Lepidis male vivitur? effigies quo
  2. tot bellatorum, si luditur alea pernox
  3. ante Numantinos, si dormire incipis ortu
  4. Luciferi, quo signa duces et castra movebant?
  5. cur Allobrogicis et magna gaudeat ara
  6. natus in Herculeo Fabius lare, si cupidus, si
  7. vanus et Euganea quantumvis mollior agna,
  8. si tenerum attritus Catinensi pumice lumbum
  9. squalentis traducit avos, emptorque veneni
  10. frangenda miseram funestat imagine gentem?
  11. tota licet veteres exornent undique cerae
  12. atria, nobilitas sola est atque unica virtus.
  13. Paulus vel Cossus vel Drusus moribus esto,
  14. hos ante effigies maiorum pone tuorum,
  15. praecedant ipsas illi te consule virgas.
  16. prima mihi debes animi bona. sanctus haberi
  17. iustitiaeque tenax factis dictisque mereris?
  18. agnosco procerem: salve Gaetulice, seu tu
  19. Silanus, quocumque alio de sanguine rarus
  20. civis et egregius patriae contingis ovanti,