Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. tradit et inflatum plenumque Nerone propinquo;
  2. rarus enim ferme sensus communis in illa
  3. fortuna, sed te censeri laude tuorum,
  4. Pontice, noluerim sic ut nihil ipse futurae
  5. laudis agas. miserum est aliorum incumbere famae,
  6. ne conlapsa ruant subductis tecta columnis,
  7. stratus humi palmes viduas desiderat ulmos.
  8. esto bonus miles, tutor bonus, arbiter idem
  9. integer; ambiguae si quando citabere testis
  10. incertaeque rei, Phalaris licet imperet ut sis
  11. falsus et admoto dictet periuria tauro,
  12. summum crede nefas animam praeferre pudori,
  13. et propter vitam vivendi perdere causas,