Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. omne animi vitium tanto conspectus in se
  2. crimen habet, quanto maior qui peccat habetur,
  3. quo mihi te solitum falsas signare tabellas
  4. in templis quae fecit avus statuamque parentis
  5. ante triumphalem? quo, si nocturnus adulter
  6. tempora Santonico velas adoperta cucullo?
  7. Praeter maiorum cineres atque ossa volucri
  8. carpento rapitur pinguis Lateranus, et ipse.
  9. ipse rotam adstringit sufflamine mulio[*](All edd before Bücheler (1886) read multo. The true reading mulio was found in the Florilegium Sangallense and is confirmed elsewhere. See Duff's and Housman's notes on the passage.) consul.
  10. nocte quidem, sed Luna videt, sed sidera testes
  11. intendunt oculos, finitum tempus honoris
  12. cum fuerit, clara Lateranus luce flagellum
  13. sumet et occursum numquam trepidabit amici
  14. iam senis ac virga prior annuet, atque maniplos
  15. solvet et infundet iumentis hordea lassis.
  16. interea, dum lanatas robumque iuvencum
  17. more Numae caedit, Iovis ante altaria iurat
  18. solam Eponam et facies olida ad praesepia pictas.
  19. sed cum pervigiles placet instaurare popinas,
  20. obvius adsiduo Syrophoenix unctus amomo