Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nunc sociis iuga pauca boum, grex parvus equarum,
  2. et pater armenti capto eripietur agello,
  3. ipsi deinde Lares, si quod spectabile signum,
  4. si quis in aedicula deus unicus; haec etenim sunt
  5. pro summis, iam[*](iam conj. by Büch.: nam PΨ and Büch. (1893): Housman conj. quis.) sunt haec maxima, despicias tu
  6. forsitan inbellis Rhodios unctamque Corinthon;
  7. despicias merito: quid resinata iuventus
  8. cruraque totius facient tibi levia gentis?
  9. horrida vitanda est Hispania, Gallicus axis
  10. Illyricumque latus; parce et messoribus illis
  11. qui saturant urbem circo scaenaeque vacantem;