Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Fidimus eloquio[*]( Instead of fidimus eloquio Ψ has ut redeant veteres.)? Ciceroni nemo ducentos
  2. nunc dederit nummos, nisi fulserit anulus ingens.
  3. respicit haec primum qui litigat, an tibi servi
  4. octo, decem comites, an post te sella, togati
  5. ante pedes, ideo conducta Paulus agebat
  6. sardonyche, atque ideo pluris quam Gallus agebat,
  7. quam Basilus. rara in tenui facundia panno.
  8. quando licet Basilo flentem producere matrem?
  9. quis bene dicentem Basilum ferat? accipiat te
  10. Gallia vel potius nutricula causidicorum
  11. Africa, si placuit mercedem ponere linguae.
  12. Declamare doces? o ferrea pectora Vetti,
  13. cum perimit saevos classis numerosa tyrannos.
  14. nam quaecumque sedens modo legerat, haec eadem stans,
  15. perferet atque eadem cantabit versibus isdem;
  16. occidit miseros crambe repetita magistros,
  17. quis color et quod sit causae genus atque ubi summa
  18. quaestio, quae veniant diversa e parte[*](parte. So Ψ: P and Büch. have forte.) sagittae,
  19. nosse volunt omnes, mercedem solvere nemo
  20. mercedem appellas? quid enim scio? culpa docentis