Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. pelamydum aut veteres, Maurorum epimenia, bulbi,
  2. aut vinum Tiberi devectum, quinque lagonae.
  3. si quater egisti, si contigit aureus unus,
  4. inde cadunt partes ex foedere pragmaticorum.
  5. Aemilio dabitur quantum licet, et melius nos
  6. egimus; huius enim stat currus aeneus, alti
  7. quadriiuges in vestibulis, atque ipse feroci
  8. bellatore sedens curvatum hastile minatur
  9. eminus et statua meditatur proelia lusca.
  10. sic Pedo conturbat, Matho deficit, exitus hic est
  11. Tongilii, magno cum rhinocerote lavari
  12. qui solet et vexat lutulenta balnea turba,
  13. perque forum iuvenes longo premit assere Maedos