Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quem totiens texit perituri cista Latini?
  2. quid quod et antiquis uxor de moribus illi
  3. quaeritur? o medici, nimiam pertundite venam,
  4. delicias hominis! Tarpeium limen adora
  5. pronus et auratam Iunoni caede iuvencam,
  6. si tibi contigerit capitis matrona pudici.
  7. paucae adeo Cereris[*](Cereris PΨ: Housman conj. teretis.) vittas contingere dignae,
  8. quarum non timeat pater oscula: necte coronam
  9. postibus et densos per limina tende corymbos.
  10. unus Hiberinae vir sufficit? ocius illud
  11. extorquebis, ut haec oculo contenta sit uno.
  12. magna tamen fama est cuiusdam rure paterno
  13. viventis? vivat Gabiis ut vixit in agro,
  14. vivat Fidenis, et agello cedo paterno,
  15. quis tamen adfirmat nil actum in montibus aut in
  16. speluncis? adeo senuerunt Iuppiter et Mars?
  17. Porticibusne tibi monstratur femina voto
  18. digna tuo? cuneis an habent spectacula totis
  19. quod securus ames quodque inde excerpere possis?
  20. chironomon Ledam molli saltante Bathyllo