Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quo tener Hedymeles operas dedit: hunc tenet, hoc se
  2. solatur, gratoque indulget basia plectro.
  3. quaedam de numero Lamiarum ac nominis Appi
  4. et farre et vino Ianum Vestamque rogabat,
  5. an Capitolinam deberet Pollio quercum
  6. sperare et fidibus promittere, quid faceret plus
  7. aegrotante viro, medicis quid tristibus erga
  8. filiolum? stetit ante aram nec turpe putavit
  9. pro cithara velare caput dictataque verba
  10. pertulit, ut mos est, et aperta palluit agna.
  11. dic mihi nunc quaeso, die, antiquissime divom,
  12. respondes his, Iane pater? magna otia caeli;
  13. non est, quod video, non est quod agatur aput vos.
  14. haec de comoedis te consulit, illa tragoedum
  15. commendare volet, varicosus fiet haruspex.
  16. Sed cantet potius quam totam pervolet urbem
  17. audax et coetus possit quae ferre virorum
  18. cumque paludatis ducibus praesente marito
  19. ipsa loqui recta facie siccisque mamillis.
  20. haec eadem novit quid toto fiat in orbe, quid Seres,