Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. in terris visamque diu, cum frigida parvas
  2. praeberet spelunca domos ignemque Laremque
  3. et pecus et dominos communi clauderet umbra,
  4. silvestrem montana torum cum sterneret uxor
  5. frondibus et culmo vicinarumque ferarum
  6. pellibus, haut similis tibi, Cynthia, nec tibi, cuius
  7. turbavit nitidos extinctus passer ocellos,
  8. sed potanda ferens infantibus ubera magnis
  9. et saepe horridior glandem ructante marito.
  10. quippe aliter tunc orbe novo caeloque recenti
  11. vivebant homines, qui rupto robore nati
  12. compositive luto nullos habuere parentes.
  13. multa Pudicitiae veteris vestigia forsan
  14. aut aliqua exstiterint et sub Iove, set Iove nondum
  15. barbato, nondum Graecis iurare paratis
  16. per caput alterius, cum furem nemo timeret
  17. caulibus et pomis, et aperto viveret horto.
  18. paulatim deinde ad superos Astraea recessit
  19. hac comite, atque duae pariter fugere sorores.
  20. Anticum et vetus est alienum, Postume, lectum