Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. pastores et ovem Canusinam ulmosque Falernas;
  2. quantulum in hoc? pueros omnes, ergastula tota;
  3. quodque domi non est, sed habet, vicinus, ematur.
  4. mense quidem brumae, quo[*](quo PA: cum Ψ ) iam mercator Iason
  5. clausus et armatis opstat casa candida nautis,
  6. grandia tolluntur crystallina, maxima rursus
  7. myrrhina, deinde adamans notissimus et Beronices
  8. in digito factus pretiosior: hunc dedit olim
  9. barbarus incestae, dedit hunc[*](dedit hunc SΨ: dedit huc P: Housman conj. gestare.) Agrippa sorori,
  10. observant ubi festa mero pede sabbata reges
  11. et vetus indulget senibus clementia porcis.
  12. Nullane de tantis gregibus tibi digna videtur?
  13. sit formosa decens dives fecunda, vetustos
  14. porticibus disponat avos, intactior omni
  15. crinibus effusis bellum dirimente Sabina,
  16. rara avis in terris nigroque simillima cycno:
  17. quis feret uxorem cui constant omnia? malo,
  18. malo Venusinam quam te, Cornelia, mater
  19. Gracchorum, si cum magnis virtutibus adfers
  20. grande supercilium et numeras in dote triumphos,