Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Cur desiderio Bibulae Sertorius ardet?
  2. si verum excutias, facies, non uxor amatur.
  3. tres rugae subeant et se cutis arida laxet,
  4. fiant obscuri dentes oculique minores:
  5. collige sarcinulas, dicet libertus, ‘et exi.
  6. iam gravis es nobis, et saepe emungeris, exi
  7. ocius’ et propera, sicco venit altera naso.
  8. interea calet et regnat poscitque maritum
  9. pastores et ovem Canusinam ulmosque Falernas;
  10. quantulum in hoc? pueros omnes, ergastula tota;
  11. quodque domi non est, sed habet, vicinus, ematur.
  12. mense quidem brumae, quo[*](quo PA: cum Ψ ) iam mercator Iason
  13. clausus et armatis opstat casa candida nautis,
  14. grandia tolluntur crystallina, maxima rursus
  15. myrrhina, deinde adamans notissimus et Beronices
  16. in digito factus pretiosior: hunc dedit olim
  17. barbarus incestae, dedit hunc[*](dedit hunc SΨ: dedit huc P: Housman conj. gestare.) Agrippa sorori,
  18. observant ubi festa mero pede sabbata reges
  19. et vetus indulget senibus clementia porcis.
  20. Nullane de tantis gregibus tibi digna videtur?