Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quadringenta tibi si quis deus aut similis dis
  2. et melior fatis donaret homuncio, quantus,
  3. ex nihilo, quantus fieres Virronis amicus!
  4. ‘da Trebio, pone ad Trebium. vis, frater, ab ipsis
  5. ilibus?’ o nummi, vobis hunc praestat honorem,
  6. vos estis fratres, dominus tamen et domini rex
  7. si vis tu fieri, nullus tibi parvolus aula
  8. luserit Aeneas nec filia dulcior illo;
  9. iucundum et carum sterilis facit uxor amicum.
  10. sed tua nunc Mycale pariat licet et pueros tres
  11. in gremium patris fundat semel, ipse loquaci
  12. gaudebit nido, viridem thoraca iubebit
  13. adferri minimasque nuces assemque rogatum,
  14. ad mensam quotiens parasitus venerit infans.
  15. Vilibus ancipites fungi ponentur amicis,
  16. boletus domino, set quales Claudius edit
  17. ante illum uxoris, post quem nihil amplius edit.
  18. Virro sibi et reliquis Virronibus illa iubebit
  19. poma dari, quorum solo pascaris odore,
  20. qualia perpetuus Phaeacum autumnus habebat,