Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. erectas in[*](Housmam conj. per for in.) terga sudes?‘ hoc defuit unum
  2. Fabricio, patriam ut rhombi memoraret et annos.
  3. Quidnam igitur censes? conciditur? ‘absit ab illo
  4. dedecus hoc,’ Montanus ait, ‘testa alta paretur,
  5. quae tenui muro spatiosum colligat orbem,
  6. debetur magnus patinae subitusque Prometheus,
  7. argillam atque rotam citius properate; sed ex hoc
  8. tempore iam, Caesar, figuli tua castra sequantur.’
  9. vicit digna viro sententia, noverat ille
  10. luxuriam inperii veterem noctesque Neronis
  11. iam medias aliamque famem, cum pulmo Falerno
  12. arderet, nulli maior fuit usus edendi
  13. tempestate mea; Circeis nata forent an
  14. Lucrinum ad saxum Rutupinove edita fundo
  15. ostrea callebat primo deprendere morsu,
  16. et semel aspecti litus dicebat echini.
  17. Surgitur et misso proceres exire iubentur
  18. consilio, quos Albanam dux magnus in arcem
  19. traxerat attonitos et festinare coactos
  20. tamquam de Chattis aliquid torvisque Sygambris