Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. loripedem rectus derideat, Aethiopem albus;
  2. quis tulerit Gracchos de seditione querentes?
  3. quis caelum terris non misceat et mare caelo,
  4. si fur displiceat Verri, homicida Miloni,
  5. Clodius accuset moechos, Catilina Cethegum,
  6. in tabulam Syllae si dicant discipuli tres?
  7. qualis erat nuper tragico pollutus adulter
  8. concubitu, qui tunc leges revocabat amaras
  9. omnibus atque ipsis Veneri Martique timendas,
  10. cum tot abortivis fecundam Iulia vulvam
  11. solveret et patruo similes effunderet offas.