Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. cuius egent prona et terram spectantia. mundi
  2. principio indulsit communis conditor illis
  3. tantum animas, nobis animum quoque, mutnus ut nos
  4. adfectus petere auxilium et praestare iuberet,
  5. dispersos trahere in populum, migrare vetusto
  6. de nemore et proavis habitatas linquere silvas,
  7. aedificare domos, laribus coniungere nostris
  8. tectum aliud, tutos vicino limine[*](limineΨ: limite PA.) somnos
  9. ut collata daret fiducia, protegere armis
  10. lapsum aut ingenti nutantem vulnere civem,
  11. communi dare signa tuba, defendier isdem
  12. turribus atque una portarum clave teneri.
  13. Sed iam serpentum maior concordia, parcit
  14. cognatis maculis similis fera; quando leoni
  15. fortior eripuit vitam leo? quo nemore umquam
  16. expiravit aper maioris dentibus apri?
  17. Indica tigris agit rabida cum tigride pacem
  18. perpetuam, saevis inter se convenit ursis.
  19. ast homini ferrum letale incude nefanda
  20. produxisse parum est, cum rastra et sarcula tantum