Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. sortiti ingenium divinorumque capaces
  2. atque exercendis pariendisque artibus apti
  3. sensum a caelesti demissum traximus arce,
  4. cuius egent prona et terram spectantia. mundi
  5. principio indulsit communis conditor illis
  6. tantum animas, nobis animum quoque, mutnus ut nos
  7. adfectus petere auxilium et praestare iuberet,
  8. dispersos trahere in populum, migrare vetusto
  9. de nemore et proavis habitatas linquere silvas,
  10. aedificare domos, laribus coniungere nostris
  11. tectum aliud, tutos vicino limine[*](limineΨ: limite PA.) somnos
  12. ut collata daret fiducia, protegere armis
  13. lapsum aut ingenti nutantem vulnere civem,