Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. atque habitas, Coro semper tollendus et Austro,
  2. perditus ac vilis[*](ac vilis P etc.: a siculis Ψ: ac similis conjecture Housman: assiculis Büch. (1910).) sacci mercator olentis,
  3. qui gaudes pingue antiquae de litore Cretae
  4. passum et municipes Iovis advexisse lagonas?
  5. hic tamen ancipiti figens vestigia planta
  6. victum illa mercede parat, brumamque famemque
  7. illa reste cavet: tu propter mille talenta
  8. et centum villas temerarius, aspice portus
  9. et plenum magnis trabibus mare: plus hominum es iam
  10. in pelago, veniet classis quocumque vocarit
  11. spes lucri, nec Carpathium Gaetulaque tantum
  12. aequora transiliet, sed longe Calpe relicta
  13. audiet Herculeo stridentem gurgite solem.
  14. grande operae pretium est, ut tenso folle reverti