Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. corpora quique solet rectum descendere funem,
  2. quam tu, Corycia semper qui puppe moraris,
  3. atque habitas, Coro semper tollendus et Austro,
  4. perditus ac vilis[*](ac vilis P etc.: a siculis Ψ: ac similis conjecture Housman: assiculis Büch. (1910).) sacci mercator olentis,
  5. qui gaudes pingue antiquae de litore Cretae
  6. passum et municipes Iovis advexisse lagonas?
  7. hic tamen ancipiti figens vestigia planta
  8. victum illa mercede parat, brumamque famemque
  9. illa reste cavet: tu propter mille talenta
  10. et centum villas temerarius, aspice portus
  11. et plenum magnis trabibus mare: plus hominum es iam
  12. in pelago, veniet classis quocumque vocarit
  13. spes lucri, nec Carpathium Gaetulaque tantum
  14. aequora transiliet, sed longe Calpe relicta
  15. audiet Herculeo stridentem gurgite solem.
  16. grande operae pretium est, ut tenso folle reverti
  17. inde domum possis tumidaque superbus aluta.
  18. Oceani monstra et iuvenes vidisse marinos.
  19. Non unus mentes agitat furor; ille sororis
  20. in manibus vultu Eumenidum ferretur et igni,