Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. pellibus inversis: peregrina ignotaque nobis
  2. ad scelus atque nefas, quaecumque est, purpura ducit.’
  3. Haec illi veteres praecepta minoribus, at nunc
  4. post finem autumni media de nocte supinum
  5. clamosus iuvenem pater excitat: ‘accipe ceras,
  6. scribe, puer, vigila, causas age, perlege rubras
  7. maiorum leges, aut vitem posce libello,
  8. sed caput intactum buxo naresque pilosas
  9. adnotet et grandes miretur Laelius alas,
  10. dirue Maurorum attegias, castella Brigantum,
  11. ut locupletem aquilam tibi sexagesimus annus
  12. adferat, aut longos castrorum ferre labores
  13. si piget et trepidum solvunt tibi cornua ventrem
  14. cum lituis audita, pares quod vendere possis
  15. pluris dimidio, nec te fastidia mercis
  16. ullius subeant ablegandae Tiberim ultra,
  17. neu credas ponendum aliquid discriminis inter
  18. unguenta et corium; lucri bonus est odor ex re
  19. qualibet, illa tuo sententia semper in ore
  20. versetur dis atque ipso Iove digna poeta: