Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. tales ergo cibi, qualis domus atque supellex.
  2. Tunc rudis et Graias mirari nescius artes
  3. urbibus eversis praedarum in parte reperta
  4. magnorum artificum frangebat pocula miles,
  5. ut phaleris gauderet equus caelataque cassis
  6. Romuleae simulacra ferae mansuescere iussae
  7. imperii fato, geminos sub rupe Quirinos,
  8. ac nudam effigiem clipeo[*](Housman inserts in before clipeo.) venientis et hasta
  9. pendentisque dei perituro ostenderet hosti,
  10. ponebant igitur Tusco farrata catino: