Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. refert ergo quis haec eadem paret; in Rutilo nam
  2. luxuria est, in Ventidio laudabile nomen
  3. sumit[*](sumit PSΨ: sumptus Heinrich and Housman), et a censu famam trahit. Illum ego iure
  4. despiciam, qui scit quanto sublimior Atlans
  5. omnibus in Libya sit montibus, hic tamen idem
  6. ignoret quantum ferrata distet ab arca
  7. sacculus. e caelo descendit γνῶθι σεαυτόν
  8. figendum et memori tractandum pectore, sive
  9. coniugium quaeras vel sacri in parte senatus