Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quem sponsae turpes et praetextatus adulter?
  2. si natura negat, facit indignatio versum
  3. qualemcumque potest, quales ego vel Cluvienus.
  4. Ex quo Deucalion nimbis tollentibus aequor
  5. navigio montem ascendit sortesque poposcit,
  6. paulatimque anima caluerunt mollia saxa
  7. et maribus nudas ostendit Pyrrha puellas,
  8. quidquid agunt homines, votum timor ira voluptas
  9. gaudia discursus, nostri farrago libelli est.
  10. et quando uberior vitiorum copia? quando
  11. maior avaritiae patuit sinus? alea quando