Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. ius nullum uxori, doctus spectare lacunar,
  2. doctus et ad calicem vigilanti stertere naso?
  3. cum fas esse putet curam sperare cohortis
  4. qui bona donavit praesepibus et caret omni
  5. maiorum censu, dum pervolat axe citato
  6. Flaminiam puer Automedon? nam lora tenebat
  7. ipse, lacernatae cum se iactaret amicae.
  8. Nonne libet medio ceras inplere capaces
  9. quadrivio, cum iam sexta cervice feratur
  10. hinc atque inde patens ac nuda paene cathedra
  11. et multum referens de Maecenate supino