Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Priape, quod sis fascino grauis tento,
  2. quod exprobrauit hoc tibi suo uersu
  3. poeta noster, erubescere hoc noli:
  4. non es poeta fascinosior nostro.
  1. At non longa benest, at non bene mentula crassa
  2. et quam si tractes, crescere posse putes?
  3. me miserum, cupidas fallit mensura puellas:
  4. non habet haec aliquid mentula maius ero.
  5. utilior Tydeus qui, si quid credis Homero,
  6. ingenio pugnax, corpore paruus erat.
  7. ---
  8. sed potuit damno nobis nouitasque pudorque
  9. esse, repellendus saepius iste mihi.
  10. Dum uiuis, sperare decet: tu, rustice custos,
  11. huc ades et neruis, tente Priape, faue.
    [*](The appendix' numbers change often. This one can be noted 83 or 85 depending on edition.)
  1. Quid hoc noui est? Quid ira nuntiat deum?
  2. Silente nocte candidus mihi puer
  3. tepente cum iaceret abditus sinu,