Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. non me Praxiteles Scopasue fecit,
  2. non sum Phidiaca manu politus;
  3. sed lignum rude uillicus dolauit,
  4. et dixit mihi: 'tu Priapus esto'.
  5. spectas me tamen et subinde rides:
  6. nimirum tibi salsa res uidetur
  7. adstans inguinibus columna nostris.
  1. Ne prendare, caue. prenso nec fuste nocebo,
  2. saeua nec incurua uulnera falce dabo:
  3. traiectus conto sic extendere pedali,
  4. ut culum rugam non habuisse putes.
  1. Quaedam Hectoris parente,
  2. Cumaeae soror, ut puto, Sibyllae,
  3. aequalis tibi, quam domum reuertens
  4. Theseus repperit in rogo iacentem,
  5. infirmo solet huc gradu uenire
  6. rugosasque manus ad astra tollens,
  7. ne desit sibi, mentulam rogare.
  8. hesterna quoque nocte dum precatur,
  9. dentem de tribus excreauit unum.