Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Thessala Dardaniis tune primum puppis harenis
  2. adpulit et fatis Sigeo litore sedit.
  3. desiliunt: pars hinc levibus candentia velis
  4. castra levat,[*](castra levat Luc. IV 18 ) tracto pars frangit adorea saxo
  5. farra, citum strictis alius de cautibus ignem
  6. ostendit foliis et sulphure pascit amico.
  7. Alcides Telamonque comes dum litora blando
  8. anfractu sinuosa legunt, vox accidit aures
  9. flebile[*](Flebile M 2, Flebili V, Flebilis accedens Parrhasius ) succedens, cum fracta remurmurat unda.
  10. attoniti pressere gradum vacuumque secuntur
  11. vocis iter. iam certa sonat,[*](sonat SM, resonat V ) desertaque durae
  12. virgo neci quem non hominum superumque vocabat?
  13. acrius hoc instare viri succurrere certi;
  14. qualiter, implevit gemitu cum taurus[*](taurus SM, taturus V ) acerbo
  15. avia frangentem morsu super alta leonem
  16. terga ferens, coit e sparso concita mapali
  17. agrestum manus et caeco clamore coloni.
  18. constitit Alcides, visuque enisus in alta
  19. rupe truces manicas defectaque virginis ora
  20. cernit et ad primos turgentia lumina flexus;[*](turgentia cod. re- gius, cod. Harlesii, T 1, surgentia VC | lumina T 1 Maserius, flumina VC | flexus sc. capitis Sudhaus, flectus V, fluctus MC )