Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. baud secus Aesonides monitis accensus amaris,
  2. quam[*](quem X, quam V ) bellator equus, longa quem frigida[*](frigida ... umbra iuvat, flecti in l. p. ang. o. Sudhaus ) pace
  3. terra iuvat, †brevis† in laevos piger angitur orbes,
  4. frena tamen dominumque velit, si Martius aures
  5. clamor et obliti rursus fragor impleat aeris.
  6. tune Argum Tiphynque vocat pelagoque[*](pelagoque SM, pelago V ) parari
  7. praecipitat; petit ingenti clamore magister
  8. arma viros pariter sparsosque in litore remos.[*](remos X 2 in marg., faemos V )
  9. Exoritur novus urbe dolor planctusque per omnes
  10. et facies antiqua domos. sibi moenia linqui
  11. en iterum; et quando natorum tempora, gentem
  12. qui recolant, qui sceptra gerant?[*](gerant V, regant C ) nunc triste nefandae
  13. noctis opus, vidui nunc illa silentia tecti
  14. saeva magis, thalamos[*](Saeua magis th. O 2, Saeuam at halama s V, Saeuit amor th. C | exclusaque C ) excussaque vincla quod ausae
  15. induere atque[*](Induere atque cod. Harlesii, Inbueratque V (Imb.) C ) iterum tales admittere curas.
  16. ipsa quoque Hypsipyle subitos per litora cursus
  17. ut vidit totaque viros decedere Lemno,
  18. ingemit et tali compellat Iasona questu:
  19. 'iamne placet primo deducere vela sereno,
  20. carius o mihi patre caput? modo saeva quierunt[*](quierunt Ald., quierant V )