Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. insequitur niger et magnis cum fratribus Eurus
  2. intonat Aegaeo, tenditque ad litora pontus;[*](tenditque SM, denditque V | pontus M, pondus V )
  3. et lunam quarto densam videt imbribus ortu
  4. Thespiades, longus coeptis et fluctibus arcens[*](arcens Sudhaus, arcent V, arcet C Bon. 2 )
  5. qui[*](Qui V, Quem C Bon. 2 ) metus. usque novos divae melioris ad ignis
  6. urbe sedent laeti Minyae viduisque vacantes
  7. indulgent thalamis nimbosque educere luxu
  8. nec iam velle vias, zephyrosque audire vocantes
  9. dissimulant, donec resides Tirynthius heros
  10. non tulit, ipse rati invigilans[*](inuigilans M 1 corr., inuigans V ) atque integer urbis:
  11. invidisse deos tantum maris aequor adortis,
  12. desertasque[*](Desertasque CM r, Diserti sque V | tempore M, tempora V ) domos, fraudataque tempore segni
  13. vota patrum. quid et ipse viris cunctantibus adsit?
  14. 'o miseri quicumque tuis accessimus actis.
  15. Phasin et Aeeten[*](Phasim et oeten M, Phasine tamen V ) Scythicique pericula ponti
  16. redde' ait 'Aesonide: me tecum solus in aequor
  17. rerum traxit amor, dum spes mihi sistere montes
  18. Cyaneos vigilemque alium spoliare draconem.
  19. si sedet Aegaei scopulos habitare profundi,[*](habitare SM, habire V | profundi M 2, profundo V )
  20. hoc mecum Telamon peraget meus.' haec[*](haec SM, hae V ) ubi dicta,