Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. e stabulis atraeque genis pallentibus Irae
  2. et Dolus et Rabies et Leti maior imago
  3. visa truces exerta manus, ut prima vocatu
  4. intonuit signumque dedit Mavortia coniunx.
  5. Hic aliud Venus et multo magis ipsa tremendum
  6. orsa nefas gemitus fingit vocesque cadentum
  7. inrupitque domos et singultantia gestans
  8. ora manu taboque sinus perfusa recenti[*](recenti SM, recaedenti V )
  9. arrectasque comas 'meritos[*](arrectosque V b | meritas C. 213-262 bis leguntur in V (V a et V b)) en prima revertor
  10. ulta toros, premit ecce dies'. tum verbere victas[*](uictas V, ductas C )
  11. in thalamos[*](Inthamos V b ) agit et cunctantibus invenit enses.
  12. unde ego tot scelerum facies, tot fata iacentum
  13. exsequar? heu, vatem monstris quibus intulit ordo,
  14. quae se aperit series.[*](series V, facies C ) o qui me vera canentem
  15. sistat[*](Sista V a ) et hac nostras exsolvat imagine noctes.
  16. invadunt aditus et quondam cara suorum
  17. corpora, pars ut erant dapibus vinoque soporos,
  18. pars conferre manus etiam magnisque[*](magnisque T, magnosque V ) paratae
  19. cum facibus quosdam insomnes et cuncta tuentes:
  20. sed temptare fugam prohibetque capessere[*](capescere V b ) contra