Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. lumina praecipites excussit ab ubere[*](ubere S, urbere V ) natos.
  2. ilicet arrectae mentes, evictaque[*](euictaque X 2 M, uictaque V ) matrum
  3. corda sacer Veneris gemitus rapit: aequora cunctae
  4. prospiciunt simulantque choros delubraque festa
  5. fronde tegunt laetaeque viris venientibus adsunt.
  6. iamque domos mensasque petunt; discumbitur altis
  7. porticibus; sua cuique[*](cuique X, cui V ) furens festinaque coniunx
  8. adiacet, inferni qualis sub nocte barathri
  9. adcubat[*](Occubat C ) attonitum Phlegyan et Thesea iuxta
  10. Tisiphone saevasque dapes et pocula libat,
  11. tormenti genus, et nigris amplectitur hydris.
    12. p.38
  12. Ipsa Venus quassans undantem turbine pinum[*](pinum V, pontum C )
  13. adglomerat tenebras[*](Adglomerat (X 2) tenebras P, Adglomerit tenebrat V ) pugnaeque adcincta trementem
  14. desilit in Lemnon; nimbis et luce fragosa
  15. prosequitur polus et tonitru pater auget honoro.
  16. inde novam pavidas vocem furibunda per auras
  17. congeminat, qua primus Athos et pontus et ingens
  18. Thraca pals pariterque[*](Thraca pavet Pierson, Haupt | pariterque M, paterque V ) toris exhorruit omnis
  19. mater et adstricto riguerunt ubere[*](ubere M r, ubera V ) nati.
  20. adeelerat Pavor et Geticis Discordia demens