Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. haec ait et pontum pater ac turbata reponit
  2. litora depellitque Notos, quos caerulus horror
  3. et madido gravis unda sinu longeque secutus
  4. imber ad Aeoliam tendunt simul aequore portam.[*](ad Aeoliam t. s. aequore portam Langen, ad aeoliae t. s. aequora porte V, ab aeoliae t. s. aequore portae C )
  5. emicuit reserata dies caelumque resolvit
  6. arcus et in summos redierunt nubila montes.
  7. iam placidis ratis exstat aquis, quam gurgite ab imo
  8. et Thetis et magnis Nereus socer erigit ulnis.[*](ulnis SM, ulnus V )
  9. ergo umeros ductor[*](ductor X 2 P, doctor V ) sacro velatur amictu
  10. Aesoniamque capit pateram, quam munere gaudens
  11. liquerat hospitio pharetrasque rependerat auro
  12. Salmoneus, nondum ille furens, qui[*](qui Declerq, cum V ) fingeret alti
  13. quadrifida trabe tela Iovis contraque ruenti[*](ruenti Heinsius, ruente V )
  14. aut Athon aut Rhodopen maestae nemora ardua Pisae
  15. aemulus et miseros ipse ureret Elidis[*](ureret aelidis X 2, urire caelidis V ) agros.
  16. hac pelago libat latices et talibus infit:
  17. 'di, quibus undarum tempestatisque sonorae
  18. imperium et magno penitus par regia[*](regia MN, regio V ) caelo,
  19. tuque[*](Tuque SM, Tu quoque V ) fretum divosque pater sortite biformes,
  20. seu casus nox ista fuit seu volvitur axis,