Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. 'heu quaenam aspicio. nostris modo concitus[*](concitus V 2, M 2 in ras., concitos VS ) ausis
  2. aequoreos vocat ecce deos Neptunus et ingens
  3. concilium. fremere et legem defendere cuncti
  4. hortantur. sic amplexu,[*](amplexu Heinsius, amplexus V ) sic pectora fratris,
  5. Iuno, tene; tuque o puppem ne desere, Pallas:
  6. nunc patrui nunc flecte minas. cessere ratemque
  7. accepere[*](Accepere S, Accippe re V ) mari. per quot discrimina rerum
  8. expedior. subita cur pulcher harundine crines
  9. velat Hylas? unde urna umeris niveosque per artus[*](humeris M, numeris V | per artus X 2 et M 2 in marg., P, paratus V )
  10. caeruleae vestes? unde haec tibi vulnera, Pollux?
  11. quantus 10 tumidis taurorum e naribus ignis?
  12. tollunt se galeae sulcisque ex omnibus hastae
  13. et iam iamque umeri. quem circum vellera Martem
  14. aspicio? quaenam aligeris secat anguibus auras
  15. caede madens? quos ense ferit? miser eripe parvos,
  16. Aesonide. cerno et thalamos ardere iugales.'
  17. Iamdudum... Minyas ambage ducemque[*](Iamdudum minyas ambage M, Iandudum minsas ambige V, S ut vid., I. uates mynias a. C a Carr. 1, I. longa minias a. C b Carr. 2, verum nescitur, nam possis per- multa, velut tali, insana | ducemque X in marg., ducumque V )
  18. terrificat; sed enim contra Phoebeius Idmon,[*](idmon SM 2, idimon V )
  19. non pallore viris, non ullo horrore comarum[*](comarum X 2 QM, cumarum V )
  20. terribilis, plenus fatis Phoeboque quieto,