Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Peleos in thalamos vehitur Thetis; aequora delphin
  2. corripit, illa sedet[*](Corripit sedet V, Corripuit residet V 2, ipsa interposuit Baehrens, illa Carrion (incertum, an ex C) | Achillen Thilo, achille V, achillem V 2 PM ) deiecta in lumina palla
  3. nec love maiorem nasci suspirat Achillen.
  4. hanc Panope Dotoque soror laetataque fluctu
  5. prosequitur nitidis[*](nitidis Wyttenbach, nudis V ) pariter Galatea lacertis
  6. alta[*](alta Loehbach, antra V ) petens: Siculo revocat de litore Cyclops.
  7. contra ignis viridique[*](uiridisque V 2 ) torus de fronde dapesque
  8. vinaque et aequoreos inter cum coniuge divos
  9. Aeacides, pulsatque chelyn post pocula Chiron.
  10. parte alia Pholoe multoque insanus Iaccho
  11. Rhoetus[*](Rh(o)etus SMC, Rboetus V, Rhoecus Parrhasius | atracia O 2 M 2, racia V, t(h)rac(h)ia SM, extracta C ) et Atracia subitae de virgine pugnae.
  12. crateres mensaeque volant araeque deorum
  13. poculaque, insignis veterum labor. optimus hasta
  14. hic Peleus, hic ense[*](Hic P. hic ense V, Hac P., hac parte C ) furens agnoscitur Aeson;
  15. fert gravis invito victorem Nestora tergo
  16. Monychus, ardenti peragit Clanis Actora[*](Actora C Ald., auctora V ) quercu;
  17. nigro Nessus equo fugit, adclinisque tapetis
  18. in mediis[*](in mediis: cf. Ilias Lat. 889 | hippasus X ex corr., M, hispasus V ) vacuo condit caput Hippasus auro.
  19. Haec quamquam miranda viris stupet Aesone natus[*](stupet anxius navigii fragilitatem, cf. 150 sq. | aesone natus SM, aeson atus V, aeson ytaeus V 2 (inter n et y alterum y (?) paene obliteratum apparet))
  20. et[*](Et SM, Haec V 2 in ras., V 1 non legitur ) secum: 'heu miseros nostrum natosque patresque.