Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. imperii, Fortuna, tui, qui dicere legem
  2. fletibus aut fines audet censere dolendi!
  3. incitat heu! planctus: potius fugientia ripas
  4. flumina detineas rapidis aut ignibus obstes,
  5. quam miseros lugere vetes. tamen ille severus,
  6. quisquis is est, nostrae cognoscat vulnera causae.
  7. Non ego mercatus Pharia de puppe loquaces
  8. delicias [*]() doctumque sui convicia Nili
  9. infantem, lingua nimium [*]() salibusque protervum,
  10. dilexi: meus ille, meus. tellure cadentem
  11. aspexi atque unctum genitali carmine fovi
  12. poscentemque novas tremulis ululatibus auras
  13. inserui vitae, quid plus tribuere parentes?