Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. servitium, nec te cultu Tirynthia vincat
  2. aula Dicarcheique sinus, nec saepius isti
  3. blanda Therapnaei placent [*]() vineta Galaesi.
  4. hic ubi Pierias exercet Pollius artes,
  5. seu volvit monitus, quos dat Gargettius auctor,
    6. [*](Graia . Graia Gevart: grata . grata M. )[*](isti . . placent M: istis . . placeant s. )
  6. seu nostram quatit ille chelyn seu dissona nectit
  7. carmina sive minax ultorem stringit iambon:
  8. hinc levis e scopulis meliora ad carmina Siren
  9. advolat, hinc motis audit Tritonia cristis.
  10. tune rapidi ponunt flatus, maria ipsa vetantur
  11. obstrepere, emergunt pelago doctamque trahuntur
  12. ad chelyn et blandi scopulis delphines aderrant.
  13. Vive, Midae gazis et Lydo ditior auro,
  14. Troica et Euphratae supra diademata felix,
  15. quem non ambigui fasces, non mobile vulgus,
  16. non leges, non castra ferent, qui pectore magno
  17. spemque metumque domas voto [*]() sublimior omni,
  18. exemptus fatis indignantemque refellens
  19. Fortunam; dubio quem non in turbine rerum
  20. deprendet suprema dies, sed abire paratum